علشان تكون عارف احنا بنعتبر الوسيط العقاري حلقة مهمة جدا عندنا …ليه؟

لان الوسيط هو اللي هيتعامل مع اي حد يطلب عقار، وهيكون هو الواجهة بتاعتنا مع العميل علشان كدة احنا بنطلب منك ما يثبت انك وسيط معتمد لدي اجهزة الدولة زي السجل التجاري والبطاقة الضريبيبة.

احنا حابين نتعاون مع كل وسيط معتمد في مصر، ومع احترامنا للكل بس احنا مش بنتعامل مع وسيط غير مرخص او بوابين عمارات او وسيط حر، ودا حفاظا علي الوسيط المعتمد وحفاظا علي عميلنا وحفاظا علي سمعة شركتنا.

ممكن اسألك سؤال….تبيع 5 مبيعات في الشهر بعمولة 1.5% ولا تبيع بيعة واحدة بعمولة 2% افضل؟؟

عمولة الوسيط العقاري

الوسيط العقاري في العادي بياخد عمولة علي البيع ممكن توصل لـ 2.5% من قيمة مبلغ البيع او شهر ايجار، لكن هنا هيكون الوضع مختلف شوية لكن افضل…ازاي؟؟؟

العميل اللي جاي عن طريق دوبلكس بيدفع عمولة تتراوح من 1% لـ 1.5% كحد اقصي في حالة البيع والشراء، اما في حالة الايجار فهو بيدفع نصف شهر من قيمة الايجار فقط….وعلي فكرة دا في مصلحة الكل!

ازاي تسجل كوسيط معتمد علي موقع دوبلكس

الموضوع بسيط جدا …هتدخل هنا وتختار التسجيل كوسيط وليس كعميل، وتكتب بياناتك الاساسية (الاسم والموبايل والايميل) وتختار المنطقة اللي حضرتك شغال فيها زي التجمع الخامس او العاصمة الادارية او مدينة نصر او…الخ.

خلي بالك ان خطوة اختيار المكان مهمة جدا جدا لان دا المكان اللي هتستقبل عليه الطلبات العقارية، علي سبيل المثال لو انت اخترت التجمع الخامس فــ انت هيجي لك بس العميل اللي طلب عقار في التجمع الخامس مش اي مكان تاني….ركز من فضلك!!!

بعد التسجيل كوسيط عقاري هتبعت لنا الاتي :

1- البطاقة الشخصية وش وضهر

2- سجل تجاري وبطاقة ضريبية

لو المكتب او الشركة مش باسمك ابعت لنا ما يثبت انك الشخص المنوط به ادارة المكان زي توكيل من صاحب العمل مثلا.

لما تعمل الخطوات دي هنراجع الاوراق وهتكون وسيط موثق علي موقعنا واهلا بيك معانا وان شاء الله تكون شريك نجاح.